Xabi Alonso Oo Baxay ama laceyriyey iyo Qaylo Xoogan Oo Ciyaartoyda Ku Beegsaday iyo sababtii bixitankiisa.
Hordhac:
Xabi Alonso: Yuu Yahay ama waa kuma?
Xabi Alonso waa mmadii Spanish ah ee ka mid ahaa ciyaartoydii ugu caansaneyd kubbadda cagta aduunka, kana soo ciyaaray kooxo waaweyn sida Real Madrid, Liverpool iyo Bayern Munich. Waxa uu sidoo kale ahaa ciyaaryahan muhiim u ahaa xulka Spain, isagoo ku guuleystay Koobka Adduunka iyo Euro laba jeer. Ka dib xirashadiisa ciyaareed, Alonso waxa uu noqday tababare halkaas oo uu ku guuleystay Bundesliga una horseeday Bayer Leverkusen wax aan horay loo arag — hanashada horyaalka Jarmalka iyadoo aan laga adkaan ama laga badin hal mar xitaa.
Sida uu Xilligiisu U Bilaabmay Real Madrid.
Bishii May 2025, Real Madrid ayaa Xabi Alonso u magacawday tababare kooxda koowaad, iyadoo rajo weyn laga qabay inuu soo celiyo nidaamka, tartanka iyo guulaha kooxda—ka dib waqtigii guuleystay ee Carlo Ancelotti. Alonso waxa uu saxiixay heshiis muddo saddex sano ah.
Hadaladii dagalka kabilawday ee ka xanaajiyey xabi Alonso.
“Ma garanayn inaan halkan u imid inaan caruur tababaro!”
Warbixinno cusub oo ka soo baxay warbaahinta Maraca iyo ilo wareedyo kale ayaa muujinaya in xiriirka tababaraha iyo ciyaartoyda Real Madrid uu durbaba burburay bilihii u horeeyay:
Bishii November, tababarka maalin kasta ee Valdebebas waxaa ka dhex qarxay xiisad weyn.
Xabi Alonso ayaa ku qayliyay ciyaartoyda, isagoo yiri:
“Ma garanayn inaan halkan u imid inaan caruur tababaro!”
Tasoo muujinaysa niyad-jabka uu ka qabo dadaalka iyo diiradda ciyaartoyda qaar.
Dadka wararka faallooyinka ka dhiibata ama falanqeeya ayaa sheegay in Alonso uu ka xanaaqay dadaal la’aanta qaar ka mid ah ciyaartoyda, muranka ka dhex aloosan kooxda iyo sida ay qaar u diidan yihiin qaab ciyaareedka la doonayo in la hirgeliyo.
Khilaafka Dressing Room-ka.
Xabi ayaa la sheegay inuu la kulmay kala qaybsanaan gudaha kooxda ah – qaar ciyaartoy ah ayaa taageersanaa fikradihiisa adag, halka qaarna ay u arkayeen mid aad u culus ama adag:
Ciyaartoyda qaarkood ayaa laga soo sheegay inay ka cawdeen tirada xogta tactical-ka ee la siinayo.
Qaar kalena ayaa lagu tilmaamay inay diidan yihiin nidaamka adag ee tababarka.
Natiijooyinka Uga Dambeeyay Real Madrid.
Xitaa iyadoo ay kooxda bilaw wanaagsan sameysay (ku dhawaad guulo xiriir ah bilihii hore), natiijooyinka La Liga iyo tartamada kale ayaa hoos u dhacay xilliyada dambe, taasoo keentay in kooxdu dib u eegto booska tababaraha.
Supercopa Final Iyo Go’aankii Kama Dambeysta ee kooxda.
Ka dib markii Real Madrid ay 3-2 uga badisay kooxda Barcelona final-ka Supercopa, kooxda ayaa isla maalinta xigtay yeelatay kulan shaqo oo dagdag ah. Xabi Alonso waxaa goobta tababarka lagu wargeliyay in shaqada laga eryay, waxaana kulankaas hoggaaminayay Jose Angel Sanchez, agaasimaha guud ee Real Madrid.
Rasmiyan, labada dhinac waxay ku dhawaaqeen in iska sii tagida ay ku timid “isku-afgarad,” laakiin ilo wareedyo ayaa tilmaamay in go’aanku yahay mid ay hoggaanka Real Madrid ka go’een sababo ay ka mid yihiin cadaadiska natiijooyinka iyo xiriirka xun ee ka dhaxeeyay kooxda badankeed.
Tababare Cusub: Álvaro Arbeloa.
Real Madrid waxay si degdeg ah u magacawday Álvaro Arbeloa—horey u ahaan jiray difaacii kooxda iyo tababare kooxda Real Madrid Castilla—si uu u noqdo tababaraha cusub ee kooxda koowaad.
Gunaanad:
Xabi Alonso wuxuu ahaa mid ka mid ah tababarayaasha ugu hadal haynta badan kubbadda cagta sababtoo ah guulaha uu hore u gaaray, laakiin xiriirka uu la lahaa qaar ka mid ah ciyaartoyda Real Madrid, iyo kala duwanaanshaha aragtida ku saabsan sida kooxda loo hogaamiyo, waxay noqonayeen arrimo iyaga ka mid ah sababay in waqtigiisu kooxda uu noqdo mid gaaban.
0 Comments