Erling Haaland Oo Kusii Dhawaaday Rikoodhkii Taariikhiga Ahaa Ee Jamie Vardy.....

 

Erling Haaland Oo Kusii Dhawaaday Rikoodhkii Taariikhiga Ahaa Ee Jamie Vardy

Erling Haaland oo ku dhaw Rikoodh Taariikhi Ah

Xidiga kooxda Manchester city iyo xulka qaranka Norway Erling Haaland ayaa sii wadanaya qaab ciyaareedkiisa cajiibka ah kadib markii uu gool  dhalinayay 6 kulan oo xiriir ah Premier League. Xiddiga reer Norway oo xili ciyareed cajiib ah qadanaaya iyo bandhigiisa cajiibka ah  ayaa markale muujinaya sababta loogu yeero mid ka mid ah weeraryahannada ugu halista badan adduunka waqti xaadirkaan.

Rikoodhkan uu hadda ku jiro waxa uu u dhow yahay kii uu dhigay Jamie Vardy xilli ciyaareedkii 2015/16, markaas oo Vardy uu 11 kulan oo xiriir ah gool dhaliyay, halka erling haaland uu uu hada uu dhalinayo gool 6 kulan oo xiriir ah, tasoo kadhigan in hadii uu sii joogteya bandhigiisa ciyaaraha soo aadan uu gaari karo  rikoodh kii vardy  oo ah rikoodh wali aan la jebin ilaa maanta.

Haaland Iyo Rikoodhka Premier League

Weerar yahanka kooxda Manchester city Marka la eego wax qabadkiisa, Haaland waxa uu dhaliyay in ka badan 100 gool tan iyo markii uu ku biiray Manchester City sanadkii 2022. Waxa uu ku guuleystay Premier League Golden Boot, European Golden Shoe, iyo Treble (PL, FA Cup, Champions League) xilli ciyaareedkii ugu horreeyay.

Maxaa Ka Dhiman Erling haaland?

Haaland waxaa la filayaa inuu wajaho kooxo adag usbuucyada soo socda sida Arsenal, Aston Villa, iyo Chelsea, kuwaas oo dhamaantood difaac adag leh. Haddii uu sii wado qaab ciyarareed kiisan iyo bandhigiisan cajiibka ah , waxa uu heli karaa fursad uu ku gaari akro ama ku jabin karo rikoodhkii taariikhiga ahaa ee Vardy kazoo ilaa hada aan lajabin , waxaa jiro ciyaar yahano dhoor ah oo hore iskuugu dayey rikoorkaan balse wali cid jabisay ama gaaartay majirto waan arki doona haduu haaland gaari doono.

Pep Goardiola oo ka hadlay haaland

Pep Guardiola oo ka hadlaaya “weerer yahanka reer Norwey” ayaa hore u sheegay in Haaland “uusan waligiis ku qanacsaneyn in uu  hal gool dhaliyo,” taasoo muujineysa in xiddigan uu doonayo in uu ka gaaro kubada cagta heer sare uuna sare u qaado qaab ciyareedkiisa uuna doonayo inuu  gaaro heerar cusub.

Gunaanad

Erling Haaland waa ciyaar yahan aad u xirfad badan oo si joogto ah u jebiya rikoodhada aadna ugu fududahay in uu dhigo rikoodh cusub. Haddii uu ku sii socodo qaabkan, waxaa suurtogal ah in aan aragno rikoodh cusub oo Premier League ah oo lagu qoro magaca Haaland.

Hadaan fikir kaaga ku weydiiyo Ma jebin doonaa Haaland rikoodhkii Jamie Vardy ee 11 kulan oo xiriir ah?