Trent Alexander Arnold waxa uu sheegay in 100% diyaar u yahay in uu “ku-laabto” garoonka Liverpool F.C. toddobaadka dambe.

Trent Alexander‑Arnold waxa uu sheegay in 100% diyaar u yahay in  uu “ku-laabto” garoonka  Liverpool F.C. toddobaadka dambe.

Hordhac:

Waxaa la sheegay in Trent Alexander-Arnold, oo hadda ka tirsan Real Madrid ka dib markii uu kasoo tagay Liverpool in uu 100% diyaar u yahay inuu wajaho kooxdiisa uu hore uga tirsanaa ee, Liverpool, toddobaadka dambe, sida ay wararka ka soo baxaaya wargesyada ugu afka dheer Isbaanishka.

Trent Alexander-Arnold ayaa la sheegay inuu si buuxda u bogsaday dhaawicii uu ladhibatonayey mudadii ugu dambeysay oo uu garoomada aga maqnaa, islamarkaana diyaar u yahay in uu wajaho kooxda uu hore uga tirsanaa ee Liverpool. Warbixintan waxay dib u eegi doontaa xaalada dhaawaca, waqtiga uu kusoo noqon karo, iyo saameynta ay ku yeelan karto kulamada soo socdo

Xaalada Dhaawaca iyo Soo Kabashada:

Trent Alexander-Arnold waxa uu dhaawac ka soo gaaray kulanka ay Real Madrid la ciyaartay Olympique de Marseille 16kii Sebtembar 2025, kadib dhowr daqiiqo oo uu garoonka ku jiray, waxaa soo gaaray dhaawac tasoo kaliftay in garoonka laga saaro oo uu ciyaarta siwadan waayo wuxuuna dhaawaca kaso gaaray seed-muruq ah (hamstring).

Waxa laga arkay warar kaimanaya ila lagu kalsonan karo oo  sheegaya in habka bogsashada dhaawaca uu ku socdo sidii loogu talagalay, waxaana la sheegay in uu rabo ama uu bartilmaameedsanayo inuu ciyaaro kulanka ay Real Madrid  wajihidoonto kooxda Liverpool.

Wararka ee iska soo dawa baxaaya  waxay tilmaamayaan ama sheegayaan in kooxda caafimaadku ay rajo ka qabaan in Trent Alexander-Arnold uu noqdo mid diyaar ah kulanka kooxdiisa eey la leedahay kooxdiisa hore ee Liverpool.

Maxay Tani aga Dhigan Tahay Kulanka:

Trent Alexander-Arnold Haddii uu si dhab ah diyaar ugu yahay kulanka uu aga hortagaaya kooxdiisa hore ee liverpool, tani waxay Real Madrid siin kartaa ama kasaacidi kartaa xoog dhinaca dambe ah, maadaama Trent Alexander-Arnold uu yahay mid ku halis badan dufaaca dhanka midig oona khibrad u leh heer sare uleh waxbadana hore ugu soo qabsaday booskaas markuu katirsanaa kooxdiisa hore ee liverpool.

Dhanka Liverpool-na, hadii aan qiimeyno wejiga uu kooxdaas ka tagay iyo sida taageerayaasha qaarkood u arkeen doorashadiisa real madrid in uu ku qaldanaa oo eey u aaminsanyihiin in uu qayaanay kooxda ayaa ka dhigaysa kulanka mid leh xiisa gaar ah iyo asagoo dib ugu soo noqonaaya garoonkiisa hore ee Anfield.

Ka soo kabashada deg-degga ah ee Trent Alexander-Arnold ayaa muujinaysa in  kooxda caafimaad-tababarka Real Madrid eey yihiin kuwa xirfad iyo garaad sareeya leh, taasoo cadeen u ah sida ay ula tacaalayaan dhaawacyada muhiimka ah ee kooxda , tasoona kooxda kasaa cidi karto in eey dhoqsa helaan ciyaartoyda muhiimka u ah kooxda si wax qabadka kooxda uu joogta u noqdo.

Xusuusin Taariikhi ah:

Trent Alexander-Arnold waxa uu ka soo baxay kooxdiisii hore ee Liverpool asagoo ku jira fomkisii ugu wanagsanaa intuu kubada cagta kusoo jiray waliba kooxda iyo taagerayaasha oo aad ujecel, halkaas oo uu ku helay ama ku sameynayey  rikooro cusub malinba malinta kasii dambeysa, wuxuuna ku biiray Real Madrid xagaagii 2025 hal kaan oo uu hada la dhibaateysanyahay dhaawac iyo keed oo uu ugu jira carvejal.

Dhaawaca noocan oo kale ah – seed-muruq hamstring – wuxuu inta badan qaataa dhowr toddobaad ilaa laba bilood si buuxda loo soo kabsado, taasoo kadigeysaa wararka sheegaya inuu “100% diyaar” yahay mid xiiso leh waana kazoo kabashadii ugu fududeed ee seed-muruq Ayaan isdhihi karaa aniga ahaan fikirkeyga,Adiga seed u aragtaa maxaadna ka aaminsantahay ?.

Gunaanad:

Haddii wararkaasi ay noqdaan kuwo dhab ah, Trent Alexander-Arnold waxa uu markale ku jiri doonaa spotlight-ka – markale garoonka Anfield, markale kooxda Liverpool ayuu wajihi doona. Diyaargarowga uu ku jiro iyo xaaladda caafimaadkiisa ayaa kaliya noqon doona mid lagu qiimeen doono marka kulanka la gaaro. Taageerayaasha, saxaafadda iyo falanqeeyayaasha ciyaarta ayaa dhamaan sugaya in la arko sida uu “dib ugu soo laabanayo” ciyaarta iyo sida uu saameyn ugu yeelan doono iyadoo kulanku uu leeyahay xiisa gooni ah.